Perëndia mund t'ju përdorë për të ndihmuar të tjerët. Moisiu kishte bërë gabime dhe ishte i mbushur plot me justifikime. Por Perëndia e kishte përgatitur për të nxjerrë popullin e Izraelit nga Egjipti. Si princ i Egjiptit, ai mësoi aftësi udhëheqëse. Kur shkoi në Midian, atij iu deshën vite që të mësonte më shumë për vendin për vendin. Në fund, ai e udhëhoqi popullin e Izraelit përmes këtij vendi.

Perëndia mund t'ju përdorë edhe ju për të ndihmuar njerëzit. Nëse duhet të bëni diçka për Perëndinë, sado e vogël të jetë, mos hezitoni ta bëni. Në vend të kësaj, kini besim që Perëndia do t'ju ndihmojë ta bëni atë gjë. Për shembull, nëse Perëndia ju kërkon t'i flisni dikujt që ndihet i vetmuar në shkollë, mos u shfajësoni se keni turp apo se nuk e njihni mirë atë person. Perëndia do të jetë me ty (Eksodi 4:12).

Shumë njerëz pëlqejnë të jenë të pavarur dhe të punojnë vetëm. Shpesh puna në grup kërkon përulësi, durim dhe zemërgjerësi. Si pjesë e një skuadre, ju mësoni të punoni me të tjerët (1 Korintasve 12:27). Duke ndarë dhe duke punuar me të tjerët, Moisiu dhe Aaroni arritën të bënin më shumë (Romakëve 12:4-5). Mos harroni ta vendosni Perëndinë si drejtuesin e skuadrës.

Perëndia i foli Faraonit nëpërmjet Moisiut dhe Aaronit, por ai nuk deshi të dëgjonte. Kjo i shkaktoi atij dhimbje. Izraelitët e dëgjuan premtimin e Perëndisë për t'i çliruar ata nga Egjipti (Eksodi 6:6-8), dhe Ai i çliroi. Perëndia i paralajmëroi izraelitët dhe iu bëri një premtim: “Nëse dëgjoni me kujdes zërin e Zotit, Perëndisë tuaj, dhe do të bëni atë që është e drejtë në sytë e tij, duke respektuar urdhërimet e tij dhe duke respektuar të gjitha dekretet e tij, atëherë unë nuk do t'ju bëj të vuani asnjë nga sëmundjet që i kam dërguar egjiptianëve; sepse unë jam Zoti që ju shëron” (Eksodi 15:26).

Ju mund të jeni të sigurt se Perëndia do e bëjë atë që ka thënë. Gjithashtu duhet t'i besoni të gjitha premtimet dhe paralajmërimet e tij në Bibël. Kur Perëndia flet, dëgjoni me vëmendje.

Urdhërimet e Perëndisë na mësojnë të bëjmë atë që është e drejtë. Në Bibël, Perëndia na ka dhënë paralajmërime dhe udhëzime për një jetë të drejtë (2 Timoteut 3:16). Për shembull, Perëndia na paralajmëron kundër adhurimit të idhujve (Eksodi 20:3-5), thashethemeve (Proverbat 20:19), përdorimit të gjuhës së keqe (Efesianëve 4:29) dhe thënies së gënjeshtrave (Proverbat 6:16-19). Ai na udhëzon ta duam Atë me gjithë zemër (Mateu 22:37), të jemi të sjellshëm dhe falës ndaj të tjerëve (Efesianëve 4:32) dhe ta duam të afërmin tonë si veten tonë (Mateu 22:38). Zbatimi i urdhërimeve të Perëndisë gjithashtu do tregojë dashurinë tonë për Të (Gjoni 14:23). Mbi të gjitha, Perëndia premton t'ju ndihmojë që ta ndiqni Atë. Fryma e Shenjtë e Perëndisë jeton në ty dhe mund të të ndihmojë çdo ditë (Gjoni 14:16, Ezekieli 36:26-27, Filipianëve 2:13).

Besojini Perëndisë edhe kur gjërat duken pa të pamundura. Izraelitët gjendeshin përballë një situate që dukej pa rrugëzgjidhje. Ata u kapën midis Detit të Kuq dhe ushtarëve egjiptianë! Megjithatë, Perëndia është Perëndia i të pamundurës. Ai e shpëton popullin e tij (Eksodi 15:2). Gjithashtu, Ai dëshiron që ju të keni besim, jo frikë. Kini besim që Perëndia do t'ju ndihmojë në çdo situatë, pavarësisht sa të vështira apo të pamundura duken gjërat.