Perëndia i premtoi Abramit (Abrahamit) dhuratat e tokës, një bir dhe shumë pasardhës. Perëndia e inkurajoi Abramin duke i treguar yjet në qiell natën. Ashtu si yjet, pasardhësit e Abramit do të ishin aq të shumtë sa nuk do të mund të numëroheshin. Perëndia është një Perëndi i dashur dhe dhurues, i Cili dëshiron t'i bekojë njerëzit e Tij. Ai premton t'ju mbrojë dhe ju inkurajon të mos keni frikë. Kur Perëndia ju bekon, e bën me qëllim që ju të jeni bekim për të tjerët.

Asgjë nuk është e vështirë për Perëndinë! Kur kuptojmë se Perëndia është Krijuesi i gjithçkaje, që Ai është i Plotfuqishmi, dhe që e Tija" është madhështia, fuqia, lavdia, shkëlqimi dhe madhëria” (1 Kronikave 29:11), mësojmë se asgjë nuk është tepër e vështirë për Zotin (Zanafilla 18:14, Jeremia 32:17) dhe që, “me Perëndinë asgjë s'është e pamundur” (Luka 1:37). Asgjë! Absolutisht asgjë!

Perëndia i ofroi Abramit si dhuratë një miqësi ose marrëdhënie të veçantë me TË! Pikërisht kështu: një miqësi të veçantë me VETË PERËNDINË! Ishte një dhuratë që do të zgjaste përgjithmonë. Adami dhe Eva e prishën marrëdhënien e tyre me Perëndinë duke mëkatuar. Rezultati është që “Të gjithë mëkatuan dhe u privuan nga lavdia e Perëndisë” (Romakëve 3:23). Kur ju rrëfeni mëkatin tuaj dhe e pranoni Jezusin si Shpëtimtar, marrëdhënia juaj me Perëndinë Atë restaurohet. “Paga e mëkatit është vdekja, por dhuntia e Perëndisë është jeta e përjetshme në Jezus Krishtin, Zotin tonë” (Romakëve 6:23). Ju bëheni fëmijë të Perëndisë dhe keni jetë të përjetshme. Marrëdhënia jote me Perëndinë është përgjithmonë!

Nga Abrahami ne mësojmë se duhet ta vendosim Perëndinë të parin mbi gjithçka. Perëndia ishte i pari në listën e Abrahamit. Ai pati besim tek Perëndia dhe u mbështet te premtimet e Tij. Ai iu bind Perëndisë dhe e vendosi Atë të parin mbi gjithçka, madje mbi dashurinë për djalin e tij të vetëm. Në 1 Samuelit 15:22, Perëndia thotë se “padurimi është më [o] i mirë se sakrifica”. Jezusi tha: "Por para së gjithash kërkoni mbretërinë e Perëndisë dhe drejtësinë e tij dhe të gjitha këto gjëra do t'ju shtohen.” (Mateu 6:33). Me fjalë të tjera, vendosni Perëndinë mbi të gjitha të tjerët.

Sigurisht që po! Ndonjëherë ne e gjejmë veten në situata të vështira ku mendojmë se asgjë dhe askush nuk mund të na nxjerrë prej tyre. Por Perëndia siguron, dhe kur ne i bindemi Atij, Ai gjithnjë e ka një plan. Perëndia siguroi dashin për sakrificën e Abrahamit. Ai zuri vendin e birit të vetëm të Abrahamit. Kjo është një "pamje" për ne që tregon se si Perëndia siguroi shpëtim për mëkatarët. Ishte nëpërmjet vdekjes sakrifikuese të Birit të Tij të vetëm, Jezusit (Qengjit të Perëndisë) në kryq. Jezusi është Dhurata e Përsosur e Perëndisë për ty. Lexoni Gjonin 3:16. Zëvendësoni fjalët "bota" dhe "të gjithë" me emrin tuaj.